VIDEO શાળા સમય દરમિયાન શિક્ષકો મોબાઈલ ફોનનો ઉપયોગ નહીં કરી શકે

હેમલ ભટ્ટ, ગીર સોમનાથ: ગિર સોમનાથના જિલ્લા શિક્ષણ અધિકારીએ મોટો આદેશ આપ્યો છે. હવેથી શાળાના સમય દરમિયાન મોબાઈલનો ઉપયોગ કરી શકાશે નહીં. શિક્ષકોના વર્ગખંડમાં મોબાઈલના બિનજરૂરી ઉપયોગના કારણે વિદ્યાર્થીઓને અભ્યાસમાં ખલેલ પડતી હોવાનું ધ્યાનમાં આવ્યું છે. હવેથી શિક્ષકોએ વર્ગખંડમાં જતા અગાઉ આચાર્ય પાસે મોબાઈલ જમા કરાવવાનો રહેશે. 

એક પરિપત્ર બહાર પાડીને શિક્ષણ અધિકારીએ જણાવ્યું કે શાળાના શિક્ષકો શાળાના સમય દરમિયાન મોબાઈલનો ઉપયોગ કરી શકશે નહીં. અત્રે જણાવવાનું કે ઘણા શિક્ષકો શાળામાં સતત મોબાઈલ ફોનનો ઉપયોગ કરતા રહેતા જોવા મળે છે. જેની અસર બાળકોના અભ્યાસ પર થતી હોય છે. આવા સમયે શિક્ષણ અધિકારીનો આ નિર્ણય સરાહનીય કહી શકાય. 

જો રાજ્યની તમામ શાળાઓમાં આ પ્રકારે નિયમ લાગુ કરાય તો કદાચ શિક્ષણ વ્યવસ્થામાં થોડો ઘણો સુધારો થઈ શકે.